Love Series | Ayeney Ka Adha Rukh by Fariya Turk Episode 3

2 din ki aziyat aur do raatu k jagraty kaatny k baad bil akhir uss ny faisla kr liya tha aur yehi uss k mutabiq is masly ka hal tha.

hona kia tha, jo b hi hoga wo daikh ly ga aur agay ki baad me sochy ga, aisa soch kr uss ny Haadiya ka number milaya aur gharri ki traf daikha jahan raat ka aik bajj raha tha. aik hi ghanti k saath hi uss ny phone utha liya tha jese wo ussi k phone ka intezaar kr rahi thi.

"Hello Hadiya, meny apko raat k is pehar disturb kiya lekin iss time baat krna bht zaroori tha" Saarim ny kaha...

"Nhi koi baat nhn mjhy bataen ap ny kia faisla kiya aur me apki ki madad kr skti hu?" Hadiya ny Naram lehjy mai kaha.

"Bs ap kisi trah Zari ko mujh sy milwa do kal, mera uss sy milna bht naguzeer hy" aur saath hi Saarim ny ussy time aur jgah bhi bta di.

"Aunti Zari ko bht bukhar hy kia me ussy doctor k ly jau, uncle aur bhai bhi ghar nhn hein?" Hadiya ny drty huye Zari ki ami sy pucha mabada k wo manna hi na krden. Unhu aik nazar ussy daikha aur kaha "me uss k baba sy puchlu zra" aur saath hi unhu ny uss k baba ko call krdi aur unki ijazzat k baad un donu ko jaany diya.

Haadiya ny larzti hui Zarish ka baazo mazboti sy pakar liya aur road cross kiya Jahan Saarim pehly sy hi maujood tha. Saarim ko dkhty hi Zari ki ankhu sy ansoo behny lgy, Saarim ny narmi sy uss ka haath pkra aur unhn apny saath ly gaya.

Hadiya nhn janti thi Saaarim ny Zarish ko kia kaha lekin Zari k chehry ki halat aur us k dagmagaty qadam usy khadshat me daal rahy thy.. 

"Mujh sy kitna pyaar karti ho tum aur mery liye kia kar sakti ho?"

 Zari ko saarim ki baaten yaad arahi thi.

"yeh kia puch rahy hain ap, me ap k liye kuch bhi kr skti hu mere liye mere ghar waly bht ehem hein lekin me ap k liye unhen bhi chor sakti hu aur jo bhi ap kahen me karny ko tyaar hu"

Saarim ny usk ansoo phonnchy aur kaha 

"Zari meri khushi ko chorro jo me keh raha hu wo ghor sy suno aur wohi kro jo me kahu, apnay waldain sy zidd nhn kro tum aj jo b hi ho unki wjah sy ho, tmhary liye unhon ny kia nhn kiya har wo baat purri ki jo tum ny kaha sbb kuch Zari sb kuch. ...

Aj pehli baar wo tmhari zindagi ka faisla apni marzi sy kr rahy hain, us mai bhi tmhary liye bht acha socha hoga"

"Aur ap.. ap ka matlb me unki baat maan jau?.. Saarim � me mrjaun..? me ..me ap k elawa ksi ka soch bhi nhn sakti please Saarim nhn.." uski zuban larkhrai

Saarim ny usk donu baazo thamty huye kehna chaha ...

"Zari meri jaan meri baat samjho.."

 "nhn, apko mera saath nhn daina tou na den, lekin me yeh nhn kr skti" Zari ny roty huye kaha..

"Zari please, mujhy ghalat mat smjho me tmhari is mamly me bilkul me madad nhn krunga aur na hi kuch aesa krny dunga, jo tmhary aur tmhary waldain k liye ba-iss zilat ho aur tmhy.. tmhy meri kasam humari muhabbat ka wasta tum mazeed koi behas nhn krogi aur ab jao yahan sy" 

Saarim ne lehja thora sakhat bnaty huye kaha.

Zari wahan sy aa tou gai thi.. lekin uska dimagh bilkul ma'oof tha aur apny hi khayalon me baghair idhr udhr dkhy chaly ja rahi thi, 

"ruko Zari" Hadiya ny chilaty huye kaha lekin uska cheekhna be-sood gya. Palak jhpakty hi Zari Daayen taraf sy aany wali gaari sy takrai aur sark k dusri janib ja giri.

Hadiya k samny Zari ka laho lohan hua chehra tha, logon ki trah trah ki baten aur ksi ny Zari ko stretcher me rakha aur Hadiya sy kaha us k ghr walon ko itelah krdo yeh jaan sy ja chuki hai�.!!!

Read >> Ayeney Ka Adha Rukh Episode 4
Post your valued feedback about this episode and story in comments...